Saímos de Puente la Reina cara Estella-Lizarra .Eran as 7:30 . A etapa do xoves levounos 6 horas , contamos que a de hoxe nos leve algo menos . Deixamos o albergue Jakue, pasamos xunto á igrexa de Santiago que se ergue impoñente no medio da vila.Ten dúas portadas románicas e a nave central gótica do ano 1543. (É unha das moitas igrexas adicadas a Santiago que hai no camiño ).
Pasamos pola ponte dos pelegríns do século XI , e comezamos unha tremenda subida nada mais deixar Puente la Reina .Atopámonos pouco despois a un pastor, cun pequeno rebaño de ovellas de raza navarra (780) .Pasamos por Mañeru ,pobo onde destacan as súas casas señoriais cos seus escudos .As rúas son estreitas e empinadas , delatando a súa orixe medieval .
Seguimos andando e a paisaxe comeza a encherse de viñedos , esta é unha terra de viños.
Mentres andamos por estas terras navarras cada un de nós vai realizando a súa viaxe interior , pensando nas súas cousas, nos seus problemas, na súa vida. Tomando como metáfora o peso da mochila que cada un de nós leva, coas cousas que precisa na viaxe, decatámonos de todo aquelo que nos sobra na nosa vida diaria .
Chegamos a Cirauqui, pobo que remata nunha antiga calzada romana. Debaixo dos nosos pés mais de 2000 anos de historia contémplannos .
A Juan debéronlle botar EPO ou algo no café , pois demarrou e perdeuse no horizonte .A partires das 12 os pés piden papas ,pero pensas "teño que chegar como sexa, me falte a luna".
A seguinte localidade pola que pasamos é Villatuerta, na que atravesamos a ponte sobre o río Iranzu.Hay referencas no códice calixtino a este río.
Á unha menos dez chegamos a Estella/Lizarra, onde se atopa Juan diante da Igrexa do Santo Sepulcro.
Dirixímonos ao albergue municipal, onde atopamos vellos coñecidos ( o incombustible Josef e Claudina).O recibemento no albergue , con música chill out , premoniza unha estancia agradable.
Seguindo os consellos da guía El País Aguilar , imos ó restaurante Casanova, no centro de Lizarra, xunto á praza dos Fueros, onde por 10.75 nos puxemos as botas regando o menú cunha botella de viño tinto navarro(da uva Cabernet Sauvignon-merlot),das vides por onde andivemos hoxe.
A etapa de mañávai transcorrer dende Estella a Los Arcos, cunha duracion aproximada de 5 horas e media e unha distancia de 22 km de percorrido.Ceamos e deitámonos cedo pra poder ternos de pé mañá.
Saúdos a todos aqueles que nos ledes, e dicirvos que pronto estaremos de volta se non hai novidade.
2 comentarios:
A toro pasado.. lo que me reí con la redacción y lo del "epo" de Juan.. no tiene precio!!
Me dió tiempo a pensar lo siguiente: en mi caso, que conozco mas a Pepe y a Juan y casi nada a Alex, creo que a conciencia o sin ella fuisteis un equipo perfecto.
El ingenio de Pepe y las constantes ocurrencias de Juan junto con su incomesurable empeño.. seguro que han sido buenisimos compañeros de viaje.
Se me ocurre ademas que Alex fue un buen tercer pié, aparenta colaborador y estoy segura que dió ese ánimo fresco de su edad!!
zxcbzx
Publicar un comentario